Засладувачот еритритол е поврзан со згрутчување на крвта, мозочен и срцев удар, сугерира студија објавена во списанието „Nature Medicine“.
-Доколку количината на еритритол во крвта е на врвот од 25 отсто во споредба со најниските 25 отсто, постои околу двапати поголем ризик од срцев и мозочен удар. Тоа е во ранг со најсилните срцеви фактори на ризик, како дијабетес, вели авторот на студијата, д-р Стенли Хејзен, директор на Центарот за кардиоваскуларна дијагностика и превенција на Институтот „Lerner Research“ на клиниката во Кливленд.
Лабораториските истражувања презентирани во трудот покажуваат дека еритритолот предизвикува полесно згрутчување на крвта. Згрутчувањето може да се откине и да патува до срцето или до мозокот и со тоа да предизвика срцев или мозочен удар.
-Ова звучи алармантно! Се чини дека постои ризик од згрутчување поради употребата на еритритол. Очигледно е дека се потребни повеќе истражувања, но поради претпазливост, можеби треба да го ограничите еритритолот во вашата исхрана, вели д-р Ендрју Фримен, директор за кардиоваскуларна превенција и здравје од болницата во Денвер.
Засладувачот еритритол е една од најпознатите замени за шеќер во прехранбената индустрија, а воедно е мошне популарен додаток во продуктите наменети за дијабетичари.