Заборавете на скапите суплементи и теретани, доколку сакате да ја направите својата диета поефикасна, тогаш сè што ви треба е добар сон.
Истражувачите од Универзитетот од Питсбург набљудувале 125 возрасни лица со BMI (Индекс на телесна тежина) во групата со прекумерна тежина додека биле на 12-месечна програма за слабеење и го споредувале нивниот сон со нивната способност да се придржуваат до целите на исхраната и вежбањето. Тие го мереле сонот врз основа на тоа колку долго учесниците поминале во кревет, колку е конзистентно нивното време за спиење и дали се чувствуваат одморени.
Истражувачите откриле дека учесниците кои имале подобри резултати во спиењето воедно полесно ја спроведувале својата диета. Тие, исто така, имале тенденција почесто да вежбаат.
-Резултатите сугерираат дека оптимизирањето на спиењето може да доведе до подобро придржување кон промените во животниот стил, вели Кристофер Е. Клајн, водечки автор на студијата и вонреден професор на Универзитетот во Питсбург.
Претходна студија од истите истражувачи покажа дека доброто спиење, исто така, помага да согорите повеќе масти додека губите тежина.
Да се биде добро одморен, игра улога и во апетитот, при што некои истражувања откриле дека луѓето кои добро спиеле намалуваат 270 калории дневно без да менуваат други навики