Витаминските суплементи може да ги поништат некои од ефектите на вежбите, покажа последното истражување.
Физичките вежби ја подобруваат регулацијата на енергијата на телото, но земањето витамини Ц и Е после вежбање придонесува за блокирање на овој процес, покажа студијата.
Познато е дека со вежбање се зголемува ефектот на хормонот инсулин, кој ја одржува рамнотежата на нивото на шеќер во крвта, нешто што е особено важно за енергијата.
Деструктивните „слободни радикали„ кои ги оштетуваат клетките и ДНК-та и го забрзуваат стареењето се произведуваат во огромни количини за време на напорните вежби. Сепак овие молекули телото исто така ги користи за да го спречи оштетувањето на клетките после вежбање. Витамините Ц и Е го неутрализираат овој ефект на „слободните радикали“.
Студијата е спроведена врз 40 мажи, кои поделени во две групи, во зависност од тоа дали секојдневно земале витамини Ц и Е или не, пет дена во неделата вежбале по 85 минути. На крајот на едномесечното истражување, ефектите од вежбањето биле значително позабележителни кај лицата кои не земале витамински суплементи.