Според првичните информации кои ги објавија српските медиуми, осомничени за убиството на Данка Илиќ се двајца вработени во Јавното комунално претпријатие „Водовод“ од Бор.
С.Ј. е осомничен дека со службен автомобил „фиат“ на улица „Радомира Путника“ удрил во двегодишно девојче Данка и го убил. Потоа, како што се сомнева, заедно со неговиот колега Д.Д. телото на девојчето го ставиле во багажникот на возилото, по што се упатиле кон дива депонија на „Старобањски пут“ кај Бор, каде телото го фрлиле на десната страна од патот, тврди изворот на АТВ.
Според неофицијални информации, несреќата се случила на 26 март во 13 часот и 52 минути. Мајката на девојчето претходно во полиција изјави дека Данка исчезнала околу 13 часот и 45 минути.
Медиумите објавија дека во службеното возило биле пронајдени траги од крв, по што била извршена ДНК анализа и потврден идентитетот на исчезнатата Данка Илиќ.