Сараево, 6 октомври (МИА) - Во Сараево ќе продолжат протестите поради убиството на навивач во Широки Брег, јавија локалните медиуми. На полицијата и се предаде лицето кое призна дека пукало во навивачот Ведран Пуљиќ.
Според полициски извештај, убиецот е Оливер Кнезовиќ, кој признал дека пукал и го убил Пуљиќ.
- Кнезовиќ не е активен полицаец, потврди портпарол на кантоналното МВР Дамир Чутура.
Со обдукцијата беше потврдено дека Пуљиќ загинал од истрел од пиштол, а не по удар со камен како што претходно тврдеше полицијата.