Брисел, 10 јуни 2010 (МИА) - Европската интеграција на земјите од Западен Балкан треба да биде проследена со сериозни напори за развој на регионалната соработка, оцени претседателот на Европскиот совет Херман ван Ромпуј по синоќешната средба со црногорскиот премиер Мило Ѓукановиќ.
Ван Ромпуј потсети дека во последните денови во регионот беа направени редица позитивни чекори во тој правец, истакнувајќи го успехот на референдумот во Словенија за арбитражен договор со Хрватска, како и конференцијата на министрите за надворешни работи во Сараево од која „беше испратена јасна порака за европската иднина на Западен Балкан“.
- Стабилноста и европската интеграција на Западен Балкан се уште се од клучно значење за ЕУ, рече Ван Ромпуј.