Приштина, 11 декември 2010 (МИА) - На Косово на полноќ почна предизборен молк и ќе трае до затворањето на избирачките места в недела во 19 часот, соопшти косовската Централна изборна комисија.
Претседателката на таа комисија Валдете Дака изјави дека се е подготвено за одржувањето на вонредните парламентарни избори.
Право на глас, на првите парламентарни избори по прогласувањето независност, имаат 1.630.636 избирачи. Ќе се гласа на 746 гласачки центри со 2.280 гласачки места.
На изборите учествуваат 29 политички партии и листи на граѓани меѓу кои и осум српски. За 120 места во косовскиот парламент се пријавени 1.260 кандидати.
Србите имаат девет загарантирани места и исто толку и претставници на останатите неалбански заедници.
Изборите ќе ги следат 32.021 набљудувач од кои 493 се претставници на меѓународни организации. Не е прецизирано колку гласачки места ќе бидат отворени на север до Косово.