Загреб, 24 февруари 2011 (МИА) - Повеќе лица се повредени денеска во Загреб во судирите меѓу антивладините демонстранти и полицијата, јавија хрватските медиуми.
Околу илјада демонстранти во еден момент се обиделе да ја пробијат полициската барикада и со сила да влезат на Марков трг, на кој се наоѓаат зградите на Владата и Саборот, по што полицијата се пресметала со нив и ги привела организаторот Иван Пернар, Полицајците се бранеле со штитови, а од демонстрантите го одзеле сообраќајниот знак со долга шипка, со кој тие се обиделе да ја пробијат барикадата.
Учесниците во демонстрациите извикувајќи „Крадци, кого штитите“ искорнале и друг сообраќаен знак и повторно се обиделе да ја пробијат барикадата, по што дошло до поголем судир со полицијата, при што се повредени повеќе лица.
Денешните протести, кои како и тие во вторникот беа објавени на Фејсбук, а освен во Загреб се одржаа и во повеќе хрватски градови.