Брисел, 8 јуни 2011 (МИА) - Претседателот на Европската унија Херман ван Ромпуј изјави дека преговорите за пристапување на Хрватска може да завршат успешно во најблиска можна иднина.
Ван Ромпуј истакна дека е „доста уверен“ дека Европската комисија в петок ќе им препорача на земјите-членки од ЕУ да ги завршат преговорите и да се подготват да ја поздрават Хрватска како 28-та земја членка на Унијата, што се очекува да стане во 2013 година.
Хрватска почна преговори за членство во ЕУ пред осум години и ќе биде втората земја од поранешна Југославија која ќе се приклучи на Унијата, по Словенија.