Брисел, 20 јули 2011 (МИА) - Генералниот секретар на НАТО Андерс Фог Расмусен им честита денеска на српските власти за апсењето на
Горан Хаџиќ, оценувајќи дека Србија со тоа ги исполни своите меѓународни обврски.
- По екстрадирањето на Ратко Младиќ во Хаг ова апсење ќе овозможи затворање на најболното поглавје во неодамнешната европска историја, истакна Расмусен во соопштение од Брисел.
Според него, иднината на Србија лежи во „конструктивната соработка со соседите и евроатлантското семејство“, а НАТО ќе продолжи да му помага на балканскиот регион.
Хаџиќ утрово беше уапсен од припадниците на Безбедносно информативната агенција (БИА) во подрачјето на Фрушка Гора.