Приштина, 29 септември 2011 (МИА) - Српските барикади во северно Косово ќе бидат укинати, изјави денеска косовскиот министер за внатрешни работи Бајрам Реџепи и вети дека косовските институции нема да преземаат еднострани дејствија.
Реџепи истакна дека укинувањето на барикадите е неизбежно, бидејќи тие го попречуваат слободното движење на луѓето и стоките.
Тој нагласи дека сите дејствија ќе бидат координирани со силите на НАТО, КФОР и мисијата на Европската унија во Косово, ЕУЛЕКС.
Косовските Срби истовремено останаа на блокадите на граничните премини Јариње и Барњак на границата во северно Косово.
Претставниците на НАТО, како и на српските и на косовските власти ги повикуваат сите страни да останат мирни и да не предизвикуваат провокации.