Брисел, 21 март 2013 (МИА) - Премиерите на Србија и на Косово, Ивица Дачиќ и Хашим Тачи од Брисел за Њујорк отпатуваа со ист авион, јавија српските медиуми.
Дачиќ и Тачи, кои вчера во Брисел ја одржаа седмата рунда од дијалогот меѓу Белград и Приштина, во Њујорк замина поради заседанието на Советот за безбедност на ОН на кое ќе биде разгледан редовниот извештај на генералниот секретар на Светската организација, Бан Ки-мун за Косово.
Извори во седиштето на ЕУ оценија дека заедничкото патување на двајцата премиери за Њујорк може да претставува значаен чекор кон нормализација на односите меѓу Белград и Приштина.