Анкара, 30 јули 2014 (МИА) - Во знак на протес поради „препораката“ на турскиот вицепремиер Булент Аринч, кој ги посоветува жените да не се смеат на јавни места, стотици Турчинки на социјалната мрежа Твитер објавија фотографии на кои се насмеани.
Аранч изјави дека жените треба да ги задржат своите морални вредности и да знаат што е пристојно, а што не, да внимаваат на својата чест и да не привлекуваат внимание со своето смеење на јавно место.
Ваквата изјава на Аранч предизвика бурни реакции на социјалните мрежи, а многумина интернет корисници ја критикуваа турската власт за преголемо мешање во приватниот живот на граѓаните.
Организацијата на жените најави дека ќе поднесе тужба против вицепремиерот Аранч, кој исто така ги критикуваше и популарните турски серии, кои, според него, ги поттикнуваат жените на неморал.