Годишната стапка на инфлација во еврозоната во август се задржа на најниското ниво во последните 3,5 години, покажуваат денеска објавените проценки на европската статистичка агенција Евростат.
Годишната стапка на инфлацијата мерена со хармонизираниот индекс на потрошувачки цени (ХИЦП) во август изнесуваше еден отсто, што значи дека е задржана на јулското ниво, најниско од почетокот на 2016 година, се наведува во извештајот на Евростат.
Инфлацијата во јуни изнесуваше 1,3 отсто.
Кога ќе се исклучат променливите цени на енергенсите, храната, алкохолните пијалаци и тутунот, годишната инфлација ќе изнесува 0,9 отсто, и исто така остана непроменета во однос на јули.