Светска економија со намален раст или „слоубализација“, растеж на бројот на вработувањата во земјите од Г-7 и зголемен број на луѓе постари од 60 години, прогнозира меѓу другото британската консалтинг агенција „Прајсватерхаус куперс“ за оваа година.
Агенцијата прогнозира светската економија во 2020 година да порасне за 3,4 осто споредбено со лани во однос на паритетот на куповната способност, додека просечната величина на овој показател за 2020 да биде 3,8 отсто.
-Треба јасно да разбереме дека се случува глобално намалување на растежот на економијата, кое се одликува со продолжување на интеграцијата и економски развој, но со многу понамалено темпо, пониско од средното, смета Барета Купелјан, економист на „Прајсватерхоус“.
Ваквата состојба во глобалната економија економистите ја нарекуваат „слоубализација“.
Исто така, во 2020 година се очекува извозот на услуги во светот да биде на нивото од 7,000 милијарди долари, лидери и годинава ќе бидат САД и Велика Британија.
Се очекува и растеж на вработувањата во земјите од групата Г-7 (индустриски најразвиените демократии), до бројка од 2 милиони вработувања, и уште 8 милиони нови работни места во седумте најголеми земји во развој како Кина, Русија или Бразил.
Агенцијата предвидува бројот на светската популација во 2020 да се зголеми до 7.7 милијарди луѓе, додека бројот на луѓе постари од 60 години да биде 1 милијарда.