Царовска: Дел од мерките од третиот сет ќе почнат да се имплементираат од јуни

Владата ќе подготви законска рамка или уредби за континуирано спроведување на сите нови мерки од третиот сет, од кои дел ќе почнат да се имплементираат од јуни, најави денеска вицепремиерката задолжена за економски прашања и за координација на економските ресори, Мила Царовска при гостување во „Утрински брифинг“ на „Слободна ТВ“.



Таа нагласи дека со третиот сет мерки е насочен да ја поттикне економијата, да се поддржи и стимулира личната потрошувачка и да им се помогне на најпогодените компании, пред се хотелите и рестораните.

– Личната потрошувачка има големо влијание во економијата, утврдуваме дека парите на граѓаните, парите кои се вбризгуваат во семејствата, нивните приходи, дефинитивно влијаат за развојот на економијата. Важно е што дел од овие мерки од третиот сет одат и директно во компаниите и се наменети за нивна поддршка. Оние компании што се занимаваат со туризам, најпогодените, како хотелите и рестораните, туристичките агенции, кај нив, исто така, вбризгуваме одредени средства кои треба овој сектор да го вратат во живот, посочи Царовска.

Таа истакна дека првите два сета мерки беа наменети за задржување на работните места, а третиот пакет треба да ги поттурне компаниите кон развој, со цел во 2021 да имаме поблаги ефекти.

– Првите два пакета даваат одлични ефекти. Во однос на компаниите за финансиска поддршка, 16.546 компании влегле во системот, тоа се над 100.000 вработени, истакна Царовска.

Вицепремиерката потенцира дека во делот на кредитирање, во рамки на КОВИД 1 линијата, се поднесени 738 барања за кредитирање, од кои 51 отсто се угостители, а 43 отсто транспорт.

– За гарантиран приход граѓаните поднеле 4.500 барања, а 5.000 барања се за надомест во случај на невработеност. Два пати неделно правиме состаноци со инспекциите за овие средства и следиме дали и каде се прекршувањата. Слабост може да биде само бројката на луѓе кои сме ги димензионирале, а не влегле во системот. Но, тоа зависи од компаниите кои аплицирале, додаде Царовска.

Коментирајќи ги обвинувањата на ВМРО-ДПМНЕ дека овие мерки претставуваат изборен поткуп, Царовска истакна дека главна работа на Владата е да се соочува и да работи на справување со кризата и дека опозицијата секогаш ќе наоѓа забелешки без разлика дали има основа.

– Доколку не понудевме мерки за граѓаните и компаниите прашањата ќе беа насочени зошто не го правиме тоа. А ако ги поддржуваме, опозицијата ќе негодува на тоа, посочува Царовска.

Во врска со терминот за парламентарните избори вицепремиерката посочи дека Владата го почитува ставот на здравствените експерти, кои велат дека сега има поволни услови за спроведување на гласање, бидејќи од септември, со отворањето на границите и враќањето во училиштата, се очекува нов бран на Ковид-19.

– Ако Собранието не е тука да ја контролира Владата, недостасува алка од системот, така сме послаби како држава. Сметам дека сите треба да ја гледаме пошироката слика, да не се загуби системот. Нас не ни е едноставно да носиме уредби, туку треба да се носат закони. Нас ни треба целосно функционален систем. Избори што поскоро за Влада со политички мандат, потенцира Царовска, која очекува иновативни предизборни кампањи, во согласност со здравствените протоколи.



Прочитајте: затвори
  • РЕПЕРТОАРИ
IDIVIDI Сервиси
IDIVIDI Речник
Powered by MagnumPRO
Download
Временска прогноза

Н/А

Нема
Битола
Н/А
Нема
Охрид
Н/А
Нема
Скопје
Виц на денот

Детето и вели на мајка си:
- Мамо, види, секојпат кога му давам на кучето колаче му се крева опашката.
- Сине, не му ги давај сите, чувај малку и за татко ти.

webmail
IDIVIDI Радио
Македонски
Pop
Classical
Dance
Hip-Hop
Jazz
Rock
Ambient
Tehno&Trance
Состојба на патиштата
Веста се ажурира
Верски календар
На денешен ден
138.- Умре римскиот цар Публиј Еилиј Адријан, кој...
1509.- Роден е Жан Калвин, верски реформатор,...
1559.- Умре францускиот крал Анри Втори, татко...
1774.- По шестогодишната војна меѓу Русија и...