Стопанската Комора на Северо-Западна Македонија продолжува да одржува средби со главните политички чинители во нашата земја. Како дел од традиционалните средби во пресрет на локалните избори кои веќе беа одржани, денеска во просториите на Комората од страна на претседателот г-дин Неби Хоџа беа пречекани кандидадот за градоначалник на Град Скопје г-дин Петре Шилегов и кандидадот за градоначалник на општина Бутел г-дин Велимир Смилевски.
Целта на овие средби е презентирањето на платформата за локален економски развој, подготвена од СКСЗМ и е составена врз основа на претходни анализи и истражувања, како и врз основа на реалните потреби и проблеми со кои бизнисите се соочуваат секојдневно.
Оваа платформа е подготвена врз основните начела како што се транспарентност и отчетност, ефикасност на општинската администрација, развој на локални бизниси и модерна и функционална инфраструктура. Истата е составена и од важни точки како што се законодавството, реформи во институциите, развојот на локалната економија, развој на инфраструктурата и животната средина, земјоделството, развојот на летниот и зимскиот туризам, како и транспарентност и отчетност.
СКСЗМ веќе се има докажано како релевантна институција во земјата, која ги промовира и штити интересите на бизнис заедницата и како главна цел е создавањето на поволна клима и амбиент за водење бизнис. СКСЗМ се стреми кон продлабочување на соработката со сите државни институции во рамките на целите за подобрување на економијата во земјата.