Во Пекинг почна изградбата на новиот мега аеродром кој ќе биде со големина колку Бермудските острови и ќе има девет писти.
Кога во 2015 година во Пекинг ќе биде отворен Меѓународниот аеродром „Дасинг“, кинеската престолнина ќе стане најпрометниот аеродром во кој ќе слетуваат и полетуваат околу 370.000 патници на ден.
Поминаа три години од отворањето на Терминалот 3 на пекиншкиот аеродром, огромна структура која самата е поголема од сите пет терминали на лондонскиот аеродром Хитроу.
- Постоечкиот аеродром во Пекинг има годишен капацитет од 75 милиони патници. Минатата година низ аеродромот поминале 73 милиони патници. За две години ќе бидат пополнети сите капацитети, а аеродромот не може да се проширува во недоглед, изјави Чао Јунчун, професор на кинескиот Универзитет на цивилно воздухопловство.
Наместо ширење на стариот, Пекинг планира во јужното предградие Дасинг да изгради нов аеродром кој ќе се простира на 54 квадратни километри.
Новиот аеродром, кој ќе биде трет во Пекинг, ќе има осум писти за цивилно воздухопловство и една која ќе ја користи војската