Поплавите на Азурниот брег во Франција кон крајот на минатата недела предизвикаа штета од речиси 650 милиони евра, соопшти вчера француската осигурителна федерација АФА, цитирана од ДПА.
Оценката е базирана на над 60.000 извештаи за штета.
Дваесет лица загинаа како резултат на силните бури и поплави. Според властите во департманот Алп-Маритим во југоисточна Франција, две лица и натаму се сметаат за исчезнати во регионот на Кан.