Унгарскиот Парламент и забрани пристап на снимателката, која стана позната по сопнувањето мигранти на границата со Србија, откако за време на интервју навреди пратеник.
Шефот на службата за медиуми на Парламентот Золтан Силаѓи вчера соопшти дека забраната за пристап на Петра Ласло ќе биде во сила до крајот на есенската парламентарна сесија, што завршува кон средина на декември.
Таа работи за провладин интернет сајт, а на снимка од понеделникот се кара со пратеник на екстремно десничарската партија Јобик.
Силаѓи рече дека не сака да разговара со новинари од сајтот пестисрацок.ху (pestisracok.hu), затоа што ги смета за владини „пропагандисти“.
Ласло во јануари беше осудена на условна казна од три години поради недолично однесување, откако во 2015 година беше снимена како шутира и сопнува мигранти на границата со Србија. За време на инцидентот, снимателката работеше за телевизија блиска до Јобик.