Владикавказ, 9 септември 2010 (МИА) - Руските безбедносни сили уапсија три лица под сомнение дека учествувале во
денешниот терористички напад во Владикавказ, главниот град на Северна Осетија, во кој загинаа 16, а повредени се 99 луѓе.
Според медицински извори десетмина од повредените, меѓу кои две деца, се во тешка здравствена состојба.
Нападот се случи кога експлодирал автомобил-бомба на централниот пазар во главниот град на Руската република.
Во Северна Осетија утре ќе биде ден на жалост поради жртвите во нападот.