Возачот на автобусот, кој удрил во ѕид од тунел во Швајцарија при што
животот го загубија 22 деца и шест возрасни лица, можеби имал срцев удар во текот на возењето, пишува британскиот весник “Дејли телеграф“, пренесува Нетпрес.
Истражителите ја отфрлиле неприлагодената брзина како причина за несреќата, која се случила по добри временски услови и на релативно мирен дел од патот.
Изразено било уверување дека причина за несреќата било лошото здравје на возачот или негова евентуална грешка.
Несреќата, во која 24 лица се потешко повредени, се случила непосредно откако групата од 52 деца и возрасни од Белгија и Холандија тргнале на пат кон дома по одморот во алпското скијачко одморалиште Вал д’Анивер.
Автобусот влегол од западната страна на тунелот Сиера на автопатот “А9“ околу 9,15 часот и удрил со десната страна по што нагло свртел и удрил во бетонскиот ѕид.