Москва, 18 февруари 2013 (МИА) - Руските научници денеска изјавија дека пронашле остатоци од метеоритот кој во петокот експлодира над Урал со интензитет на атомска бомба и од чии звучни експлозии оштетени се неколку илјади згради, а повредени се приближно 1.200 лица.
Метеоритот тежок околу 10 тони, влезе во атмосферата на Земјата со суперсонична брзина од најмалку 54.000 километри на час и се распадна на делови околу 30-50 километри над Чељабинската Област.
И покрај интензивната истрага на замрзнатото езеро Чебаркул, каде е забележана огромна дупка за која се претпоставуваше дека е предизвикана од падот на метеоритот, руските нуркачи не успеаја да пронајдат делови, но членовите на Руската академија на науките вчера изведоа хемиски тестови на необични камења за кои тврдат дека потекнуваат од вселената.
- Ние тврдиме дека делови од сусптанцата што ја пронајде нашата експедиција во близина на езерото Чебаркул имаат состав на метеорит, изјави членот на Руската академија на науките Виктор Грокховски.