Киев, 16 март 2015 (МИА) - Украинскиот премиер Арсениј Јацењук побара од Министерството за одбрана ставање на војската во состојба на целосна борбена готовност.
- Поради ситуацијата во зоната на конфликтот во Донбас потребно е Министерството за одбрана и Генералштабот да воведат состојба на целосна борбена готовност на вооружените сили на Украина, истакна Јацењук за време на советувањето со претставниците на раководствата на украинските региони.
Тој нагласи и дека Државната служба за вонредни ситуации треба да спроведе цивилна заштита на населението, меѓу другото, да ги опреми засолништата.
Премиерот бара и од Министерството за внатрешни работи и сите органи на редот во Украина борба против тероризмот и следење на секој што го „загрозува животот на граѓаните и украинската независност“.