Скопје, 29 март 2017 (МИА) - Социјалдемократскиот сојуз на Македонија преку соопштение реагира на денешната прес-конференција на грдаоначалникот на Скопје Коце Трајановски и министерката за култура Елизабета Канческа-Милевска, на која најавија неколкугодишна реконструкција и доградба на Универзалната сала почнувајќи од оваа година.
- На граѓаните им е преку глава од лагите за Универзалната сала. Во 2013 година Канческа-Милевска и Трајаноски објавија дека не е возможна реконструкција и надградба и објектот треба да се урива, а сега најавуваат негова реконструкција. И тогаш и сега се плаќаат пари на граѓаните за идејни решенија, а од ветувањата нема ништо, пишува во реакцијата на СДСМ.
Според партијата, Трајановски и Канческа-Милевска се во заминување и за реалните потреби на граѓаните и за заштита на културно-историските објекти ќе се грижат, како што наведува, новите одговорни власти.