Скопје, 6 јули 2017 (МИА) - Земјотрес со магнитуда од 3,8 степени според Рихтеровата скала повторно е регистриран претпладнево 11:12 минути во охридското епицентрално подрачје, соопшти Сеизмолошката опсерваторија при Природно математичкиот факултет во Скопје.
Земјотресот е почувствуван во Охрид и околината со интензитет од V степени според Европската макросеизмичка скала.
Уште два послаби земјотреса се регистрирани изутрината во Охридско. Првиот во 04:20 часот со магнитуда од 2,5, а другиот во 08:31 со магнитуда од 2,6 степени според Рихтер.
Од 18-ти минатиот месец до денеска во охридскиот регион се регистрирани над 1.000 земјотреси. Најсилниот беше на 3 јули во 13:18 часот со магнитуда од 5 степени според Рихтеровата скала, предизвика вознемиреност кај жителите и туристите, а пријавени се и помали материјални штети.