Уште една недела до првиот круг од претседателските избори

Eдна недела пред одржувањето на првиот круг од претседателските избори, двајцата кандидати, Стево Пендаровски и Гордана Силјановска – Давкова, одржаа централни митинзи во Скопје.

Силјановска – Давкова во саботата од пред Владата, а Пендаровски вчера од пред ЕУ Инфо центарот, ги упатија пораките до гласачите.

На Македонија ѝ се потребни радикални демократски реформи, порача кандидатката поддржана од ВМРО-ДПМНЕ, а нејзиниот ривал поддржан од СДСМ – дека само еден е патот кон прогрес, а води преку ЕУ и НАТО.

-На Македонија ѝ се потребни радикални демократски реформи за да не остане закопана во транзицијата и да не направи ниту еден чекор кон демократска консолидација, рече Силјановска, обвинувајќи ја Владата дека наместо подобар живот, реформи, демократија, владеење на правото, борба со корупција и криминал, битка со непотизам и европеизација, досега, во 2,5-годишното владеење, единствено го променила името на државата.

Според неа, Владата не е европска, ниту реформска.

-Македонија е потоната во отсуство на владеење на правото, правдата е селективна, ја стига само опозицијата, а никако да допре некого од власта, дополни Силјановска-Давкова.

Пендаровски уште еднаш повтори дека немаме повеќе генерации за губење и затоа не треба да и се дозволи на опозицијата да не врати од патот по кој чекориме.

-Имаме неповторлива можност како генерација да оставиме трајно наследство зад нас. Обезбедена и сигурна држава, партнер на демократскиот свет, рамноправен дел од најзначајните светски сојузи. Оние кои мислат дека без НАТО и ЕУ можеме да ги решиме децениските проблеми со иселувањето, од социјалната сфера, дека може да ја обезбедиме сигурноста и стабилноста, се лажат. На сите што сакаат да не вратат назад мора да им порачаме дека не само што нема да се враќаме назад, туку сите заедно ќе одиме напред, истакна Пендаровски.

И оваа недела тројцата претседателски кандидати ги продолжуваат митинзите и средбите со граѓаните. Кампањата ќе трае до 19 април, по што следува 24-часовен изборен молк, пред денот на гласањето.

Првиот изборен круг за шестите претседателски избори е закажан за 21 април, а вториот ќе се одржи на 5 мај.

Ова се првите избори по стапување во сила на Преспанскиот договор, со кој е решен спорот за името помеѓу Македонија и Грција и земјата го доби името Република Северна Македонија.

На 21 април во земјава покрај претседателските избори ќе се одржат и предвремени избори за градоначалници на општините Охрид, Ново Село и Дебар.



Прочитајте: затвори
  • РЕПЕРТОАРИ
IDIVIDI Сервиси
IDIVIDI Речник
Powered by MagnumPRO
Download
Временска прогноза

Н/А

Нема
Битола
Н/А
Нема
Охрид
Н/А
Нема
Скопје
Виц на денот
Малиот Трпе се враќа од школо и му се фали на татко му:
- Тато, денеска за малку ќе добиев петка!
- Како тоа за малку?
- Па така. Доби детето што седеше до мене.

* * *
Оди...
webmail
IDIVIDI Радио
Македонски
Pop
Classical
Dance
Hip-Hop
Jazz
Rock
Ambient
Tehno&Trance
Состојба на патиштата
Сообраќајот на државните патишта се одвива по претежно суви коловози. ФРЕКВЕНЦИЈА: Интензитетот на сообраќај на патните правци надвор од градските средини е умерен. На граничните...
Верски календар
На денешен ден
570.- Во Мека е роден Мухамед, основач на...
1653.- Водачот на Англиската револуција Оливер...
1657.- Англиската флота, под команда на адмирал...
1768.- Умре италијанскиот сликар Каналето, еден...