Ременски не се чувствува виновна за случајот „Рекет“, Заев очекува да се докаже нејзината невиност

Основното јавно обвинителство за гонење на организиран криминал и корупција поднесе обвинение за случајот „Рекет“ против Бојан Јовановски, Катица Јанева и Зоран Милевски – Кичеец, но и ја прошири истрагата за случајот, а новоосомничени во случајот се и пратеничката Фросина Ременски, таткото на Боки 13, Миле Јовановски и потпретседателката на Меѓународниот сојуз Јасна Мандиќ.

За Ременски, која вчера истакна дека не се чувствува виновна и оти очекува Обвинителството да го докаже тоа што и го става на товар, судија на претходна постапка одреди мерки на претпазливост. Одземен и е пасошот, има забрана да го напушти Скопје, како и обврска секоја недела да се јавува во Суд.

Истите мерки се одредени и за Миле Јовановски, додека на Мандиќ, судија на претходна постапка одреди куќен притвор.

На новинарско прашање, што беше поставено вчера, откако пратеничката даде исказ во Кривичниот суд пред судија на претходна постапка за случајот „Рекет“, како го коментира соопштението од Јавното обвинителство во кое стои дека помагала и овозможила да се стекне впечаток во јавноста дека можат да се извлечат пари благодарејќи на контактот со извршната власт, Ременски истакна дека, освен тоа, Обвинителството немало друг доказ пред судот во делот на аргументацијата.

– Јас ќе очекувам Обвинителството да го докаже тоа што ми го става на товар, рече Ременски.

На прашање како ја коментира изјавата на премиерот Зоран Заев дека може да ја исклучат од партијата и од сите функции, Ременски рече дека СДСМ има етички кодекс на однесување на функционерите и оти се потписници на изјави на тој кодекс.

– Тоа значи замрзнување на сите функции во партијата. Јас сум член на ИО во СДСМ и како одговорен општественик, интелектуалец и професионалец секогаш сум почитувала изјави што ги потпишувам. Ќе ја почитувам секоја одлука на партијата што ќе значи давање можност и период да не се дава политички контекст на целокупниот процес и секако можност да нема пристрасно влијание во каква било друга конотација во овој процес, рече таа.

Заев, на заедничката конференција со словенечкиот премиер Марјан Шарац, истакна дека очекува да биде докажана невиноста на Ременски за да може таа повторно да се врати во органите и телата на СДСМ.

Претходно, премиерот наведе дека кога некое лице ќе биде осомничено, обвинето или слично тогаш ќе ја применуваат мерката на санкции, што значи времено отстранување на тоа лице за да ја докаже својата невиност.

Обвинителката Вилма Русковска, по исказот на Мандиќ во Кривичен, нагласи дека има „битни докази“ за обвинението за „Рекет“. Посочи и дека еден од осомничените побарал спогодба за првиот дел од истрагата за „Рекет“.

Бојан Јовановски се наоѓа во притвор во истражниот затвор „Скопје“, додека Милески е во домашен притвор. Поранешната специјална јавна обвинителка Катица Јанева, пак, од притвор од истражниот затвор, вчера е однесена и задржана во клиниката „Жан Митрев“ на понатамошно следење, како пациент во сомнителна прединфарктна состојба.



Прочитајте: затвори
  • РЕПЕРТОАРИ
IDIVIDI Сервиси
IDIVIDI Речник
Powered by MagnumPRO
Download
Временска прогноза

Н/А

Нема
Битола
Н/А
Нема
Охрид
Н/А
Нема
Скопје
Виц на денот
На испит на Медицински факултет, професорот ја прашува студентката.
- Колку сперматозоиди има во тестисите на машки полов орган?
По кратко размислување...
- Пааа отприлика...
webmail
IDIVIDI Радио
Македонски
Pop
Classical
Dance
Hip-Hop
Jazz
Rock
Ambient
Tehno&Trance
Состојба на патиштата
Веста се ажурира
Верски календар
На денешен ден
- Светски ден на дијабетесот
565.- Умре византискиот цар Јустинијан I ...
1263.- Умре Александар Невски, новгородски кнез,...
1533.- Шпанските освојувачи под командата на...