Претседателот на Собранието Африм Гаши денеска упати честитка по повод Денот на Европа 9 Мај, нагласувајќи дека Денот на Европа е симбол на мирот, единството и заедничката иднина на европските народи.
-Во име на Собранието на Република Северна Македонија и во мое лично име, го честитам овој важен ден кој нѐ потсетува на важноста, на солидарноста, соработката и негувањето на европските вредности, наведува Гаши.
Тој нагласува дека европската перспектива за нашата држава останува јасна цел кон одржлив развој, стабилност и благосостојба за сите граѓани.
-Како носител на демократскиот легитимитет, Собранието ќе продолжи активно да придонесува во напредокот на реформските процеси и усогласувањето со европските стандарди. 9 Мај нека биде поттик за уште посилна посветеност кон европската иднина!, додава Гаши во честитката по повод 9 Мај.