Прилеп го одбележа 11 Октомври

Прилеп, 11 октомври (МИА) - Со импровизиран напад на бугарскиот затвор - участок и огномет синоќа во Прилеп започна одбележувањето на 65-годишнината од денот кој симбилочно го означи почетокот на народноослободителната борба.

По повод 11 Октомври градоначалникот Марјан Ристески го пушти во употреба новото партерно уредување на централното градско подрачје инвестиција од околу 700 илјади евра.

По повод празникот до доцните часови синоќа беше организиран хепенинг со настап на македонски музички ѕвезди.

Утрово делегации на локалната самоуправа, градоначалникот Марјан Ристески, Општинската организација на Сојузот на борците, политички партии и граѓани ги посетија споменикот на Методија Андонов Ченто и Могилата на непобедените. Во чест на херојското дело на паднатите борци за слобода беа положени венци и свежи цвеќиа.

За збогатување на празничната атмосфера придонесе градскиот оркестар кој со свирка се движеше од центарот на градот кон Могилата на непобедените.