„Дневник“ и донираше на НУБ Библија од 18 век

Скопје, 17 октомври (МИА) - Редакцијата на весникот „Дневник“ денеска на Националната и универзитетска библиотека „Св. Климент Охридски“ во Скопје свечено и ја предаде Библијата од 18 век, која минатата недела ја откупи од сопственици во Кочани, откако беше огласена за продажба.

Книгата потекнува од 1784 година, печатена е на старословенски јазик во Москва, има 3.000 страници, тешка е седум килограми, има дрвени корици обложени со кожа. Во неа се поместени сите текстови од Стариот и од Новиот завет, на кои се додадени и стотина илустрации со мотиви од христијанството и од Русија од 18 век.

На корицата, со букви на старословенско писмо, се врежани црковни зборови, а пред страниците со библиски текстови има запис во кој стои името на објавувачот на Библијата и годината кога таа била отпечатена во Москва.

Специфика е големиот формат (43х23 см) што упатува дека се работи за царско Свето писмо.

Директорот на НУБ Борко Зафировски рече дека ова е убава посебна и несекојдневна пригода во Библиотеката и оти гестот на „Дневник“ доаѓа во вистинско време и е од големо значење.

Главниот и одговорен уредник на „Дневник“ Катерина Блажевска посочи дека за нив е значајно да биде откриен патот по кој оваа книга од московската типографија стигнала во Македонија и додаде дека за НУБ биле предизвик да ја истражи книгата и да ја направи подостапна. Таа апелираше за грижа за богатството што е најдено на македонска територија.

Со донацијата на древната книга, книжниот фонд на Библиотеката ќе биде збогатен со уште еден вреден споменик за историјата и развојот на словенската култура и писменост. Со споредбена анализа ќе се утврдува македонската редакција на изданието и влијанието на Охридската книжевна школа. 

Експерти од Универзитетската библиотека веќе ја прегледале книгата и се согласиле дека таа е вистинско богатство кое не смее да се дозволи да биде изнесено во странство. Библијата во НУБ ќе биде заштитена од влага, пожари и од кражби и ќе биде изложена во фоаето на Библиотеката.

Најстарата книга во фондот на НУБ е печатена во 1493 година.



Прочитајте: затвори
  • РЕПЕРТОАРИ
IDIVIDI Сервиси
IDIVIDI Речник
Powered by MagnumPRO
Download
Временска прогноза

Н/А

Нема
Битола
Н/А
Нема
Охрид
Н/А
Нема
Скопје
Виц на денот
Отворил Мујо аптека. Го замолил едпаш Хасо да го замепи. Кога се вратил го прашал дали доагал некој.
"Дојде Суљо, го болеше глава."
"И што му даде?"
"Аспприн."
"Добро, дојде...
webmail
IDIVIDI Радио
Македонски
Pop
Classical
Dance
Hip-Hop
Jazz
Rock
Ambient
Tehno&Trance
Состојба на патиштата
Сообраќајот на државните патишта се одвива по наместа влажни коловози. Интензитетот на сообраќај на патните правци надвор од градските средини е умерен. На граничните премини, од...
Верски календар
На денешен ден
1440.- Роден е големиот московски кнез Иван Трети...
1517.- Војската на турскиот султан Селим Први во...
1561.- Роден е Франсис Бекон, англиски филозоф,...
1666.- Умре индискиот цар Шах Џехан од...