Стојан Тренчевски визитинг-предавач на Духовната академија „Асизи“ од Италија

Скопје, 9 април (МИА) - Граѓанската асоцијација „Мајка Тереза“ од Скопје информира дека новинарот и публицист Стојан Тренчевски, истражувачот и хроничар на животот и делото на Мајка Тереза и нејзинин биограф, е избран за визитинг-предавач на Духовната академија во Италијанскиот световен и образовен центар „Асизи“.

Во ова образовна институција, која работи во рамките на Ватиканскиот просветен ценатр, посебно се изучува личноста и благородната мисија на Мајка Тереза.

- Тренчевски е еден од предавачите за семејните корени, дестството, младоста и посветувањето на Гонџа Бојаџиу во служба на семожниот Господ Бог-Исус Христос, настани поврзани со нејзините 18 години поминати во Скопје и Македонија, се вели во соопштенито од ГА „Мајка Тереза, и се додава дека  во рамките на веронауката и духовно-просветната работа на Католичката црква во светот, тој е еден од малкумината визитинг-предавачи од православна вероисповест.

Книгите „Нашата мајка“, „Скопјанката Мајка Тереза“, „По патиштата од деството на Мајка Тереза“ и филмот „Мајка“, чиј автор е Стојан Тренчевски, се преведени на италијански, англиски, шпански, германски, полски и на бенгалски јазик. Како што информираат од ГА „Мајка Тереза“, тие се дел од материјалот што ќе го користат слушателите и учесниците на предавањата на Тренчевски, посветени на Мајка Тереза во годинава кога се навршуваат 10 години од нејзиното упокојување и кога се очекува благословот од папата Бендеик 16 за нејзиното прогласување за „светица“.