Одбележување 80 години од осветувањето на црквата „Свети Никола“ во КривопаланечкоКрива Паланка, 21 мај (МИА) - Осумдесет годишнината од (1928-2008) од осветувањето на црквата „Свети Никола“ во кривопаланечкото село Длабочица ќе се одбележи со голем црковно-општинароден собир на христијанскиот православен верски празник Свети Николај - летен.
На празникот ќе се одржи црковна процесија од свештениците на Кривопаланечката епархија, водосвет, кршење на славскиот колач со заедничка трпеза на љубовта која ќе прерасне во општонародна веселба.
Културно-забавниот дел ќе го збогатат културно-уметничките друштва „Леминд“ од Лесковац, Србија, и „Карпош“ од Крива Паланка кои ќе се претстават со песни и игри карактеристични за нивните краеви.
|