Промовирана книгата „Дијагностичко сродни групи и неплатената работа на нега што ја вршат жените“Скопје, 28 мај (МИА) - Центарот за истражување и креирање политики и Фондот за жени на ОН - УНИФЕМ во соработка со Министерството за здравство и граѓанските организации ЕСМА од Шуто Оризари, ОЖО Свети Николе и АУРЕОЛА од Струга, денеска во Скопје ја промовираа книгата „Дијагностичко сродни групи и неплатената работа на нега што ја вршат жените“.
Истржувањето на дијагностичко сродните групи е нова мерка што се воведува во здравствениот сектор, а преставува нов систем за наплата на болничкита услуги при што домаќинствата ја преземаат негата за болните поради скратувањето на болничкиот престој.
- Главниот резултат од тоа ќе биде намалувањето на болнички денови што директно влијае на негата која досега се даваше во болница, рече Марија Ристеска од Центарот за истражување и креирање политики.
Таа додаде во просек жените поминуваат 4 до 8 часа дневно со болните дома, а тој неплатен труд има вредност од 6.600 денари или половина просечна плата на една медицинска сестра.
Сегашниот систем на домашна нега треба да се подобри бидејќи ваквата политика создава родова нееднаквост кај жената, потенцираше Ристеска.
|