Шумскиот пожар на Кајмакчалан се уште не е локализиранБитола, 8 јули (МИА) - Пожарот кој пред два дена почна да гори кај местото „Зејкова тумба“ на Кајмакчалан не е локализиран. Пожарот е во близина на македонско-грчката граница, кај напуштената караула „Сокол“.
- По барање на шумското претпријатие дадовме колегијална помош во опрема и човечки ресурси, потврди за МИА, раководителот на Територијалната против пожарна единица во Битола, Златко Совревски.
Пожарот е приземен и гори само тревата и остатоци од суви трупци и гранки. Според првичните проценки изгореле 40 до 60 хектари. За пожарот на овој пограничен дел воспоставен е контакт и соработка со грчките пожарникари.
|