Познати добитниците на наградата „11 Октомври“ за 2008 година Скопје, 26 септември (МИА) - Наградата „11 Октомври“ за животно дело во областа на науката и образованието за 2008 ќе им биде доделена на лингвистот проф. д-р Коста Пеев, историчарот проф. д-р Михајло Миноски и на Истражувачкиот центар за генетско инженерство и биотехнологија при МАНУ од Скопје.
Во областа на културата и уметноста награда „11 Октомври“ за животно дело ќе добие писателот и академик Божин Павловски, соопшти Министерството за култура.
Одлуката ја донесе Одборот за доделување на високото државно признание, под претседателство на академик Благој Попов. Наградата на годинашните лауреати ќе им биде врачена на 11 Октомври во Собранието на Република Македонија.
|