|
 |
Вести / Македонија
|
|
Конференција за дигитализацијата и нови платформи за аудио-визуелни содржини
Скопје, 13 ноември (МИА) - Во организација на Мисијата на ОБСЕ во Македонија, денеска во Бизнис центарот на Скопскиот саем се одржа конференција за дигитализација и нови платформи за аудио-визуелни содржини.
- Медиумите не се како секој бизнис. Развојот на медиумската индустрија е тесно поврзана со слободата на изразување и слободната информација - принципи кон кои сите земји-членки на ОБСЕ се посветени и ги поддржуваат, рече на отворањето на конференцијата амбасадорката на ОБСЕ Наталија Дрозд.
Плурализмот и професоинализмот, според неа, тесно се поврзани со демократијата и здравата политичка култура во секоја земја.
- Во оваа земја постои дополнителен фактор во смисла на улогата на медиумот во негувањето на културниот идентитет што е важно прашање за вас и е поврзано за градење на националната доверба и стабилност, истакна Дрозд.
Димитар Букувалов од Министерството за транспорт и врски, во своето обраќање истакна дека Македонија согласно Спогодбата за стабилизација и асоцијација го усогласува националното со европското законодавство.
- Во делот на радиодифузијата претстои голем предизвик - имплементирање на новата директива за аудио и визулени медиумски сервиси. Имплементацијата е поголем предизвик од причина што нејзиното идно успешно спроведување зависи од степенот на развиена свест кај деловниот сектор, но и постоечките капацитети на регулаторните тела, рече Букувалов.
На конференцијата се дебатираше и за технологијата на пренос, за регулацијата на медиумите, класични и онлајн медиуми и рекламирањето во нив.
|
|
|
|
|
|
 |
Пребарување
|
|
|
|
|
|
|
IDIVIDI Речник
|
|
|
|
| Powered by MagnumPRO |
|
|
|