Промоција на поезија од Ѓорги Калајџиев во БлагоевградСтрумица, 2 јуни (МИА) - Во рамките на традиционалната книжевна манифестација Мајски празници на поезијата „Глоси 2009“ која деновиве се одржа во Софија, Ќустендил и во Благоевград, во радиотелевизискиот центар во Благоевград беше промовирана најновата поетска книга на македонскиот поет Ѓорги Калајџиев „Кандило на осамнувањето“.
Во книгата која неодамна излезе од печат во издание на едицијата „Глоси“ се поместени неколку нови и досега необјавени песни, како и стихови од претходните две збирки поезија на Калајџиев „Алтернативно живеење“ и „Бремено време“, препеани на бугарски јазик.
Книгата ја промовираа познатите бугарски поети Валентин Тишев и Левена Филчева.
|