Десет македонски државјани се наоѓаат на “црната листа“ на САД за влез во земјата.
Списокот, кој го изработува американското министерство за финансии, а е обновен на 19 јуни годинава, им забранува влез во САД на Кастриот Хаџиреџа, Џеват Адеми, Невзат Халили, Џавит Хасани, Џемајл Хисени, Даут Реџепи, Џезаир Шаќири, Гафур Адили, Нури Беџети и лидерот на ДПА Мендух Тачи.
Американскиот претседател Барак Обама овие санкции ги продолжил за една година. Сите македонските државјани, кои се наоѓаат на “црната листа“, се ставени таму поради одредени екстремистички активности, насилства и опструирање на Охридскиот рамковен договор.