Почна конзервација на дел од тетовското кале

Тетово, 10 јули (МИА) - Директорите на Управа за заштита на културното наследство и на Националниот конзерваторски центар, Паско Кузман и Бехиџудин Шехапи денеска го означија почетокот на конзервацијата и реставрацијата на трпезаријата од летниот конак на Абдул Рахман паша на археолошкиот локалитет „Балтепе“ на тетовското кале.

- Крајната цел е овој монументален објект од 18 век да биде конзервиран, заштитен, реставриран, а на некои места и реконструиран, со што градот ќе добие уште еден монумент кој ќе привлекува туристи, рече Кузман.

Директорот на Националниот конзерваторски центар, Бехиџудин Шехапи рече дека тврдината, која е од 18 век, ја сочинуваат повеќе објекти, сарај, трпезарија, касарна, конак, стражарница, затвор, подземен тунел, главно со војничка намена.

Конзервацијата и реставрацијата ќе чини околу 18 милиони денари, а работите предвидено е да завршат за шест месеци и истите ќе се адаптираат во музејски изложбен простор. По завршувањето на конзерваторските работи, кои ги врши „Бибај-компани“ од Тетово, кон крајот на годинава или идната ќе продолжат археолошките истражувања.

Археолошките и конзерваторските зафати се дел од проектот на Министерството за култура за истражување на локалитетот. Активностите почнаа лани, а ќе траат до 2012 година. Во ланските археолошки истражувања покрај стручни лица од државата учествуваа и експерти од Косово и од Албанија.



Прочитајте: затвори
  • РЕПЕРТОАРИ
IDIVIDI Сервиси
IDIVIDI Речник
Powered by MagnumPRO
Download
Временска прогноза

Н/А

Нема
Битола
Н/А
Нема
Охрид
Н/А
Нема
Скопје
Виц на денот
- Трпе, зошто татко ти денес беше на училиште?
- Учителката го викна за да се жали од мене.
- И што стана?
- Е па ништо, учителката ми кажа сега да ја викнам мајка ми, за да се...
webmail
IDIVIDI Радио
Македонски
Pop
Classical
Dance
Hip-Hop
Jazz
Rock
Ambient
Tehno&Trance
Состојба на патиштата
Веста се ажурира
Верски календар
На денешен ден
753 п.н.е.- Според преданието, Ромул го основал...
1500.- Португалскиот морепловец Педро Алварес...
1509.- Умре англискиот крал Хенри Седми, основач...
1699.- Умре францускиот писател Жан Батист...