Скопје, 14 јули 2010 (МИА) - Претседателот на Република Латвија Валдис Затлерс, денеска ќе престојува во официјална посета на Република Македонија, на покана на претседателот Ѓорге Иванов.
Покрај со неговиот домаќин Иванов, Затлер ќе се сретне и со претседателот на Собранието Трајко Вељаноски.
Како што најави Кабинетот на претседателот Иванов, по церемонија на пречек со највисоки државни и воени почести, предвидена е тет-а-тет средба на шефовите на двете држави по што ќе следат официјалните разговори на двете делегации.
Ќе биде потпишан и Меморандум за разбирање меѓу Министерството за одбрана на Република Македонија и Министерството за одбрана на Република Латвија.