Во дводневна официјална посета на АРМ од денеска ќе престојува висока воена делегација на Вооружените сили на Австрија, предводена од началникот на Генералштаб, генерал Едмунд Ентахер.
Гостин ќе им биде македонскиот началник на Генералштаб, генерал-потполковник Мирослав Стојановски.
На средбата двајцата началници ќе разменат мислења околу актуелната безбедносна состојба во регионот, трансформацијата на АРМ, учеството во мировните мисии, како и за активностите околу учеството на АРМ во проектот за развој на борбената група на ЕУ, информираат од ГШ на АРМ.
Министерството за одбрана во мај 2006 година, има потпишано Спогодба за билатерална соработка на полето на одбраната со австриското министерство за одбрана. Билатералната воена соработка е на солидно рамниште и таа во главно се огледа во делот на реализација на курсеви за операции за поддршка на мирот, поддршка на АРМ во напорите за учество во борбената група на ЕУ, како и на полето на логистичкото обезбедување.