Брисел, 15 октомври 2010 (МИА) - Данскиот дипломат Петер Соренсен ќе биде нов амбасадор на Европската унија во Македонија на местото на актуелниот шеф на делегацијата на Унијата Ерван Фуере, соопшти кабинетот на високиот претставник на ЕУ за надворешна и безбедносна политика Кетрин Ештон.
Соренсен во март следната година ќе го замени Фуере, кој ја претставува ЕУ во Македонија од ноември 2005 година. Неговиот мандат два пати беше продолжуван по шест месеци.
Петер Соренсен беше личен пратеник на поранешниот висок претставник на ЕУ за надворешна и безбедносна политика Хавиер Солана во Белград и шеф на канцеларија на Унијата во Косово, и важи за добар познавач на регионот.