Делегација на општина Кочани во посета на збратимениот унгарски град Сигетсентмиклош

Кочани, 15 септември 2011 (МИА) - Делегација на Општина Кочани од денеска престојува во тридневна работна посета на збратимениот град Сигетсентмиклош во Унгарија.

За време на посетата, делегацијата ќе ја посети локалната компанија за управување со отпад „Ариес КФ“, компанијата за снабдување со вода, а ќе се запознае и со мултифункционалниот комплекс „Ајти“– од училиште и спортска сала кој е во фаза на градба.

Според агендата, планиран е состанок со претставниците од компанијата „Геонардо“, вклучена во активностите на Асоцијацијата на геотермални општини каде што членува и Кочани.

Во исто време во Сигетсентмиклош ќе претстојува и германска стопанска делегација, што отвора простор за развивање и соработка на стопански план.