Маја Оџаклиевска на плоштадот во Битола за Нова Година Битола, 21 декември 2011 (МИА) - Градоначалникот на општина Битола Владимир Талески денеска соопшти дека дочекот на Новата 2012 година што ќе го организира локалната самоуправа на плоштадот „Магнолија“ ќе биде во знакот на македонските музички ѕвезди Маја Оџаклиевска, Драган Мијалковски и Кристина Арнаудова.
Талески на прес - конференцијата истакна дека општината ја продолжува соработката со македонската музичка естрада, подвлекувајќи оти и годинава голем забавен простор ќе биде отстапен и за најмладите битолчани на кои ќе им биде понудена музика од детските фестивали.
Инаку, на најфрекфентните улици и на Широк сокак во Битола веќе се поставени повеќе од 800 новогодишни украси, а посебна општинска комисија врши евиденција на најдобро украсените приватни куќи и други објекти на кои ќе им бидат доделени посебни награди.
|