Избрано идејното решение под шифра „Сонце“ за административно-деловен комплекс во Куманово

Скопје, 11 април 2012 (МИА) - Идејното решение под шифра "Сонце" е првонаграденото од четири пристигнати архитектонско-урбанистички решенија за изградба на административно-деловен комплекс, што го распиша комисија назначена од градоначалникот на општина Куманово, Зоран Дамјановски.

Објектот што ќе биде лоциран во строгиот центар на градот ќе зафаќа површина од околу 15.000 метри квадратни, ќе има подземна гаража, долниот дел е предвиден за деловни објекти, а вториот кат за општинската администрација и за подрачните единица на министерствата.

Натамошната постапка подрзабира откупување на авторски права за идејното решение. Локалната власт во апликацијата за кредитна линија одлучи дел од средствата да ги употреби за дооформување на површината за  изготвување на изведбен проект и распишување на постапка за отпочнување на работите за административно-деловниот комплекс, "Чоробенско ќоше" кое е дел од концепцијата за јавно-приватно партнерство за изградба на овој комплекс"-информира градоначалникот Дамјановски.

Административниот дел ќе биде во сопственост на општината, а деловниот во сопственост на приватниот партнер кој ќе инвестира во изградба на комлексот.

- Се надевам дека ќе имаме соработка со државата, оваа локација треба да биде преземена од Министерството за транспорт и врски и дека проектот ќе почне, изјави градоначалникот Дамјановски.