Неофицијално, настраданите заминале на езерото околу 18 часот. Се работи за млади момчиња од македонска националност на возраст од 18 до 20 години, сите од скопската наслеба Радишани.
Како што јавуваат од Мвр, петте лица била најдени кај Железарското езеро во атарот на селото Смиљковци, Скопско. Телата биле пронајдени крај два автомобила. Неофицијално крај телата се пронајдени и чаури, но нема информација сеуште од кое огнено оружје е пукано. Телата имале по неколку прострелни рани, а ги пронашле рибари околу 22:30.
Според сведоштвата на жителите на Црешево, кои вчера беа на местото каде што се случи петкратното убиство, жртвите се лица на возраст од околу 20 години. Сите биле рибари кои често доаѓале да рибарат на езерото. Еден од нив, живел во Црешево, а останатите во Бутел и Радишани. На интернет форумите се шпекулира дека меѓу нив имало и момчиња кои годинава требало да матурираат.
Вечер јавува дека, според изјави на жителите на Црешево, меѓу убиените е и извесен Борче Ќато, кој редовно рибарел на езерото. Велат станува збор за мирен семеен човек. Тие го препознале неговото возило, кое било паркирано веднаш до неговото тело со отворени врати и гепек.
Повеќе информации и детали за ова убиство МВР најави за денес.