Три типа оружје биле користени при
убиството на петте лица кои беа пронајдени кај Железарското езеро во четвртокот вечерта.
Досегашната истрага покажала чаури од три типа на оружје, што сугерира дека има повеќе од еден извршител. Видливи се трагите на телата и смртта настапила како резултат на огнострелните рани евидентни на телата. Министерката Гордана Јанкулоска информираше дека кон петмината жртви било пукано од непосредна близина. Во овој момент не може да се констатира идентитетот на сторителите. Таа упати апел за воздржаност од шпекулации за етничката припадност на сторителите.
Јанкулоска им порача на извршителите дека не може да ? избегаат на правдата. Таа упати апел до граѓаните групните собирања за Велигденските празници да не бидат причина за ескалација на немири.
Отворена е посебна телефонска линија 199 за пријавување било какви информации за овој конкретен случај. И службите од соседните држави се контактирани во насока на откривање на сторителите.
Исто така во изминатиот период, во текот на вчерашното попладне и денешниот ден направена е анализа за собирање податоци за патничките моторни возила кои би можеле да бидат поврзани со случајот.