Атина, 15 мај 2012 (МИА) - Решавањето на спорот за името на Македонија останува услов за членството во НАТО, изјавил генералниот секретар на Алијансата Андерс Фог Расмунсен во интервју за Радио Слободна Европа, објавува грчкиот весник „Етнос“.
Расмусен појаснува дека позицијата на НАТО во врска со членството на Македонија во Алијансата останува непроменета и оти таа се сведува на изнаоѓање заемно прифатливо решение на прашањето меѓу Атина и Скопје.
- Во 2008 година беше решено дека има подготвеност да започнат пристапните преговори, но под услов Грција и Македонија да стигнат до заемно прифатливо решение на проблемот за името. За жал, не беше регистриран напредок во таа насока, така што одлуката, што ја донесовме пред четири години продолжува да биде валидна, вели генералниот секретар на НАТО, Андерс Фог Расмунсен.