По дождот и студеното време, коe преовладуваше во изминатите неколку денови, за време на викендот следува сончево и топло време со температура до 30 степени.
Според најавите на метеоролозите, утре ќе биде посвежо со сончеви периоди и ветер кој наместа ќе достигне брзина и до 40 километри на час.
За време на викендот ќе уживаме во сончевото време, кога живата на термометарот ќе достигне и до 30-от степен.
По облачното време, кое за многумина е причина за лошото расположение и главоболки, викендот ќе биде создаден за одмор, прошетка во природа и уживање во пролетните температури.